అక్షరటుడే, వెబ్​డెస్క్: Liquor Scam | ఛత్తీస్​గఢ్​ మాజీ ముఖ్యమంత్రి భూపేష్ బఘేల్​ (Bhupesh Baghel)కు ఈడీ అధికారులు షాక్​ ఇచ్చారు. మద్యం కుంభకోణం కేసులో ఆయన కుమారుడు చైతన్య బఘేల్‌ (Chaitanya Baghel)ను అరెస్ట్ చేశారు. కాంగ్రెస్​ ప్రభుత్వ హయాంలో ఛత్తీస్‌గఢ్ రాష్ట్రంలో రూ.2,100 కోట్ల లిక్కర్ స్కామ్​కు సంబంధించిన మనీలాండరింగ్ కేసులో (Money Laundering Case) ఆయనను అరెస్ట్​ చేసినట్లు ఈడీ తెలిపింది.

ఛత్తీస్‌గఢ్‌ లిక్కర్​ స్కామ్​తో ​(Liquor Scam) రాష్ట్ర ఆదాయానికి నష్టం వాటిల్లినట్లు ఆరోపణలు ఉన్నాయి. కాంగ్రెస్​ హయాంలో జరిగిన ఈ కుంభకోణంలో మాజీ ముఖ్యమంత్రి భూపేశ్‌ బఘేల్‌ కుమారుడి పాత్ర ఉందని అభియోగాలు వచ్చాయి. దీంతో ఈడీ కేసు నమోదు చేసి విచారణ చేపడుతోంది. ఈ స్కామ్​లో రూ.2,160 కోట్ల మనీ లాండరింగ్​లో చైతన్య బఘేల్​ పాత్ర ఉన్నట్లు అధికారులు గుర్తించారు. ఈ క్రమంలో శుక్రవారం ఆయనను అరెస్ట్​ చేశారు. దుర్గ్‌ జిల్లా(Durg District)లోని భిలాయ్‌ ప్రాంతంలో గల బఘేల్‌ నివాసానికి చేరుకొని అధికారులు సోదాలు చేశారు. అనంతరం చైతన్య బఘేల్​ను అరెస్ట్​ చేశారు.

Liquor Scam | పుట్టిన రోజే అరెస్ట్​

చైతన్య బఘేల్​ అరెస్ట్​తో ఆ రాష్ట్రంలో రాజకీయం వేడెక్కింది. రాజకీయ కక్ష సాధింపులో భాగంగా తన కుమారుడిని అరెస్ట్​ చేశారని బఘేల్​ ఆరోపించారు. మరోవైపు ఆయన ఇంటికి భారీ ఎత్తున కాంగ్రెస్​ నాయకులు(Congress Leaders), కార్యకర్తలు చేరుకున్నారు. ఈడీకి వ్యతిరేకంగా నినాదాలు చేశారు. ఎలాంటి ఘటనలు చోటు చేసుకోకుండా పోలీసులు భారీ బందోబస్తు ఏర్పాటు చేశారు. అయితే ఈ రోజు చైతన్య బఘేల్​ పుట్టిన రోజు కావడం గమనార్హం.

బర్త్​ డే రోజే ఆయనను ఈడీ అధికారులు(ED Officers) అరెస్ట్​ చేశారు. తన కుమారుడి అరెస్ట్‌ఫై మాజీ ముఖ్యమంత్రి బఘేల్‌ స్పందించారు. ఈడీ తప్పుడు కేసులకు భయపడేది లేదన్నారు. తాము ఏ తప్పు చేయలేదని ఆయన పేర్కొన్నారు. కాగా ఈ స్కామ్‌లో ప్రభుత్వ అధికారులు, రాజకీయ నాయకులు, లిక్కర్ వ్యాపారులు కలిసి అక్రమంగా సంపాదించారని ఈడీ పేర్కొంది.