అక్షరటుడే, నిజామాబాద్​ సిటీ: Drunk Drive | డ్రంకన్​ డ్రైవ్​లో ఇద్దరికి జైలు శిక్ష విధిస్తూ న్యాయస్థానం తీర్పునిచ్చింది. ట్రాఫిక్​ ఏసీపీ మస్తాన్​ అలీ (Traffic ACP Mastan Ali) తెలిపిన వివరాల ప్రకారం.. ఇన్​స్పెక్టర్​ ప్రసాద్ (Inspector Prasad)​ ఆధ్వర్యంలో నగరంలోని పలు ప్రాంతాల్లో తనిఖీలు చేయగా.. 11 మంది మద్యం సేవించి పట్టుబడ్డారు. వీరిని శుక్రవారం సెకండ్​క్లాస్​ మెజిస్ట్రేట్​ నూర్జహాన్ (Second Class Magistrate NoorJahan)​ ఎదుట హాజరుపర్చగా 9 మందికి రూ.14,500 జరిమానా వేశారు. ఇద్దరికి ఒక్కోరోజు జైలుశిక్ష విధిస్తూ తీర్పునిచ్చారని ట్రాఫిక్​ ఏసీపీ తెలిపారు.

Drunk Drive | మద్యం సేవించి వాహనాలు నడపొద్దు..

ఈ సందర్భంగా ట్రాఫిక్​ ఏసీపీ మాట్లాడుతూ.. మద్యం సేవించి వాహనాలు నడిపితే చట్టప్రకారం కఠినచర్యలు తీసుకుంటామని హెచ్చరించారు. ముఖ్యంగా మద్యం తాగి డ్రైవింగ్​ చేయడం ద్వారా వారి ప్రాణాలకే కాకుండా ఇతరుల ప్రాణాలకు కూడా ప్రమాదం పొంచి ఉంటుందన్నారు.

Drunk Drive | మైనర్లకు వాహనాలు ఇస్తే..

ముఖ్యంగా మైనర్లకు తల్లిదండ్రులు వాహనాలు ఇస్తే.. వారి తల్లిదండ్రులపై కేసులు నమోదు చేస్తామని ట్రాఫిక్ ఏసీపీ పేర్కొన్నారు. ఎట్టిపరిస్థితుల్లో మైనర్లకు వాహనాలు ఇవ్వవద్దని సూచించారు.