అక్షరటుడే, వెబ్డెస్క్: Viral Video | ఇటీవల ఒక వీడియో సోషల్ మీడియాలో (Social media) తెగ వైరల్‌గా మారింది. అది నెటిజన్లు ఉలిక్కిప‌డేలా కూడా చేసింది.
ఈ వీడియోలో ఒక చిన్న పిల్లవాడు ‘విషపూరిత’ పామును (poisonous snake) మింగడానికి ప్రయత్నిస్తున్నట్లుగా ఉంది. ఈ వీడియో చూసిన తర్వాత.. ప్రజలు ఆందోళన వ్యక్తం చేస్తూ, పిల్లలను అలాంటి ప్రమాదకరమైన పాములకు దగ్గర‌కి వెళ్ల‌కుండా జాగ్ర‌త్త‌లు పాటించాల‌ని పేర్కొన్నారు. ఈ వీడియో 13 సెకన్లు ఉండ‌గా, ఇది నిజంగా ఆశ్చర్యకరంగా ఉంది.
Viral Video | ఇదేం డేర్..
వీడియోలో పసుపు రంగు టీ-షర్ట్ ధరించిన ఒక చిన్న పిల్లవాడు నేలపై కూర్చుని ఉండ‌గా, అత‌ని ముందు పెద్ద పాము (బహుశా కోబ్రా) (cobra) ఒక‌టి కనిపిస్తోంది. బాలుడు పామును నోటితో పట్టుకోవడానికి ప్రయత్నిస్తున్నాడు. అతను ఒక్కసారిగా వంగి, పామును పట్టుకోవడానికి ప్రయత్నిస్తుండ‌గా, పాము ఈ దాడిని గ్రహించి వెంటనే వెనక్కి తప్పుకుంటుంది. ఈ పని బాలుడు (Boy) ఒక్కసారి కాదు, రెండుసార్లు కాదు, మూడుసార్లు చేయడం ఆశ్చర్యకరం. ప్రతిసారీ పాము (snake) భ‌య‌ప‌డి బాలుడిని తప్పించుకుని వెనక్కి వెళుతుంది. అయితే అదృష్ట‌వ‌శాత్తు పాము దాడి చేయకపోయినా, ఈ ఘటన గురించి నెటిజన్లు చాలా ఆందోళన వ్యక్తం చేస్తున్నారు.
ఈ వీడియోను ‘జెజాక్ సి ఈడెన్ రియల్’ (Jezak C Eden Real) అనే ఫేస్‌బుక్ వినియోగదారు షేర్ చేశారు. ఆయన క్యాప్షన్‌గా “పాము ప్రమాదంలో ఉంది” అని పేర్కొన్నాడు. అయితే, ఈ వీడియో చూసిన తర్వాత, నెటిజన్లు విభిన్న రకాలైన కామెంట్స్ పెడుతున్నారు. చాలామంది పిల్లల విష‌యంలో అజాగ్రత్త‌గా వ్య‌వ‌హ‌రిస్తున్నారు. ముఖ్యంగా విష‌సర్పాలు (Poisonous Snakes) ఉన్న చోట వారిని క‌నిపెట్టుకుంటూ ఉండాల‌ని సూచిస్తున్నారు. ఏది ఏమైనా ఈ వీడియో నెట్టింట ప్ర‌కంప‌న‌లు పుట్టిస్తుంది.
