అక్షరటుడే, వెబ్డెస్క్ : Rain Alert | రాష్ట్రంలోని పలు ప్రాంతాల్లో శుక్రవారం వర్షం (Rain) పడే అవకాశం ఉందని వాతావరణ శాఖ (Meteorological Department) అధికారులు తెలిపారు. గత మూడు రోజులుగా తెలంగాణ వ్యాప్తంగా వర్షాలు పడుతున్నాయి. అయితే శుక్రవారం వానలు తగ్గుముఖం పట్టే అవకాశం ఉంది.
పలు ప్రాంతాల్లో తేలిక పాటి నుంచి మోస్తరు వర్షాలు కురుస్తాయని అధికారులు పేర్కొన్నారు. దక్షిణ, పశ్చిమ తెలంగాణ జిల్లాల్లో మధ్యాహ్నం, సాయంత్రం వాన పడే ఛాన్స్ ఉంది. మిగతా ప్రాంతాల్లో చిరుజల్లులు పడుతాయి. హైదరాబాద్ (Hyderabad)లో చెదురుమొదురు వర్షాలు కురుస్తాయి. రానున్న మూడు నాలుగు రాష్ట్రంలో ఇదే పరిస్థితి ఉంటుందని అధికారులు తెలిపారు. జులై 1 నుంచి విస్తారంగా వర్షాలు కురుస్తాయని పేర్కొన్నారు.
కాగా రాష్ట్రంలో మూడు రోజులుగా విస్తారంగా వర్షాలు పడుతుండటంతో రైతులు పొలం పనులు ప్రారంభించారు. ఇప్పటికే ప్రభుత్వం రైతు భరోసా(Rythu Bharosa) విడుదల చేయడంతో ఎరువులు కొనుగోలు చేసిన రైతులు.. వర్షాలతో భూములను సిద్ధం చేసుకుంటున్నారు. పలువురు అన్నదాతలు వరినాట్లు ప్రారంభించారు. మరో భారీ వర్షం పడితే వరి నాట్లు మరింత జోరందుకోనున్నాయి.
