అక్షరటుడే, వెబ్డెస్క్ : Uttar Pradesh | మనం వెళ్తున్న మార్గంలో దూరంగా చిరుత(Leopard) పులి కనిపిస్తేనే భయ పడిపోతాం. అదే దగ్గరగా వస్తే.. ప్రాణాలు అరచేతిలో పెట్టుకొని పరిగెడతాం. కొందరైతే భయంతో అక్కడే కూలబడిపోతారు. కానీ ఓ వ్యక్తి మాత్రం చిరుతతో పోరాడాడు. తన ప్రాణాల కోసం ఎలాంటి భయం లేకుండా ఒంటరిగా చిరుత పులితో పోరాటం చేశాడు. ఈ ఘటన ఉత్తర ప్రదేశ్ (Uttar Pradesh)లో చోటు చేసుకుంది.
ఉత్తరప్రదేశ్ రాష్ట్రం లఖింపూర్ ఖేరి గ్రామంలోని ఇటుక బట్టీలోకి చిరుత పులి చొరబడింది. అయితే ఆ సమయంలో అక్కడ ఉన్న వ్యక్తి దానికి దొరికిపోయాడు. దీంతో తప్పించుకునే మార్గం లేకపోవడంతో సదరు వ్యక్తి పులితో తలబడాలని నిర్ణయించుకున్నాడు. ఏ మాత్రం బెదురు లేకుండా పులితో తలపడి ప్రాణాలు దక్కించుకున్నాడు.
చిరుత వచ్చిన విషయం తెలిసి గ్రామస్థులు పెద్ద సంఖ్యలో అక్కడికి చేరుకున్నారు. చిరుతను తరమడానికి ఇటుకల(Bricks)తో కొట్టారు. అయినా అతడిని చిరుత వదలలేదు. దీంతో ఆ వ్యక్తి దానితో ఒంటరిగానే పోరాటం చేసి ప్రాణాలు కాపాడుకున్నాడు. చివరకు చిరుత పులి పొలాల్లోకి పారిపోయింది. సమాచారం అందుకున్న ఫారెస్ట్ అధికారులు (Forest Officers) పొలాల్లోకి వెళ్లిన చిరుతపులిని పట్టుకున్నారు. కాగా ఆ వ్యక్తి చిరుతతో పోరాడుతున్న వీడియో సోషల్ మీడియాలో వైరల్గా మారింది. అతడి ధైర్యానికి నెటిజన్లు సలాం కొడుతున్నారు. రియల్ హీరో బ్రో అంటూ కామెంట్లు చేస్తున్నారు.
