అక్షరటుడే, వెబ్డెస్క్: Kukatpally | ఓ సినిమాలో తన పెన్సిల్ పోయిందని ఓ బాలుడు పోలీసులకు ఫిర్యాదు చేస్తాడు. ఇటీవల ఓ బాలుడు తాను కొనుగోలు చేసిన బొమ్మ హెలికాప్టర్ పని చేయడం లేదని పోలీసులను ఆశ్రయించాడు. తాజాగా ఇలాంటి వింత కేసు కూకట్పల్లి పోలీస్ స్టేషన్(Kukatpally Police Station)లో నమోదైంది. పాలు పగిలిపోయానని(Milk Spilling) ఓ వ్యక్తి పోలీసులకు ఫిర్యాదు చేశాడు.
కూకట్పల్లి(Kukatpally) ఠాణా పరిధిలోని రత్నదీప్ సూపర్ మార్కెట్(Ratnadeep Supermarket)లో ఓ వ్యక్తి రెండు హెరిటేజ్(Heritage) పాల ప్యాకెట్లు కొనుగోలు చేశాడు. అయితే అందులో ఓ ప్యాకెట్ పాలు వేడి చేయగానే పగిలిపోయాయి. దీంతో ఆ వ్యక్తి సూపర్మార్కెట్కు వెళ్లి ప్రశ్నించారు. అయితే తమకు దాంతో సబంధం లేదని నిర్వాహకులు తెలిపారు. దీంతో అసంతృప్తికి గురైన బాధితుడు నేరుగా పోలీస్ స్టేషన్‌కి వెళ్లి ఫిర్యాదు చేశారు. ఈ మేరకు పోలీసులు కేసు నమోదు చేశారు.
పాలు పగిలిపోయాయనే ఫిర్యాదు సోషల్ మీడియాలో వైరల్గా మారింది. అరె పెద్ద సమస్యే వచ్చిందని నెటిజన్లు కామెంట్లు చేస్తున్నారు. మరి కొందరేమో ఇటీవల తరుచూ పాలు పగిలిపోతున్నాయని, ప్యాకెట్లలో పాలు వాసన వస్తున్నాయని అంటున్నారు. ఆయా కంపెనీలపై చర్యలు తీసుకోవాలని కోరుతున్నారు. అయితే ఈ కేసు విషయంలో పోలీసులు ఎలాంటి చర్యలు తీసుకుంటారో చూడాలి.