అక్షరటుడే, ఇందూరు: Prajavani | ప్రజాసమస్యల పరిష్కారం కోసం కలెక్టరేట్​లో నిర్వహిస్తున్న ప్రజావాణి కార్యక్రమానికి ఫిర్యాదులు వెల్లువెత్తాయి. కలెక్టర్​గా బాధ్యతలు చేపట్టిన వినయ్ కృష్ణారెడ్డికి (Collector Vinay Krishna Reddy) ఇది రెండో ప్రజావాణి. అయితే సోమవారం ఏకంగా 217 ఫిర్యాదులు వచ్చాయి. కలెక్టర్​తో పాటు అదనపు కలెక్టర్ కిరణ్ కుమార్ (Additional Collector Kiran Kumar), ట్రైయినీ కలెక్టర్ కరోలిన్ చింగ్తియాన్మావి (Trainee Collector Caroline Chingtianmavi), డీఆర్డీవో సాయాగౌడ్, ఇన్​ఛార్జి డీపీవో శ్రీనివాస్, మెప్మా పీడీ రాజేందర్ వినతులను స్వీకరించారు. అర్జీలను పెండింగ్​లో పెట్టకుండా ఎప్పటికప్పుడు పరిశీలన జరుపుతూ సమస్యలను పరిష్కరించాలని కలెక్టర్ అధికారులను ఆదేశించారు.