అక్షరటుడే, వెబ్డెస్క్:Krishna River | కృష్ణా నది పరవళ్లు తొక్కుతోంది. ఎగువ ప్రాంతాల్లో కురిసిన భారీ వర్షాలకు(Heavy Rains) నదికి వరద పోటెత్తింది. దీంతో తెలంగాణలోని జూరాల ప్రాజెక్ట్(Jurala Project)కు భారీగా ఇన్ఫ్లో వస్తోంది. ఎగువ నుంచి వరద కొనసాగుతుండటం, జలాశయం నిండుకుండలా మారడంతో అధికారులు గేట్లు ఎత్తి దిగువకు నీటిని వదులుతున్నారు.
ప్రస్తుతం ప్రాజెక్ట్లోకి 85 వేల క్యూసెక్కుల ఇన్ఫ్లో(Inflow) వస్తుండగా.. ఏడు గేట్లు ఎత్తి 82 వేల క్యూసెక్కులకు దిగువకు వదులుతున్నారు. విద్యుత్ ఉత్పత్తి కూడా కొనసాగిస్తున్నారు. దీంతో ఆ నీరు శ్రీశైలం ప్రాజెక్ట్(Srisailam Project)లోకి చేరుకుంటుంది. జూరాల నుంచి విడుదల చేసిన నీటితో శ్రీశైలం కళకళలాడుతోంది. జలాశయానికి 81,944 క్యూసెక్కులు ఇన్ ఫ్లో వస్తోంది. ప్రాజెక్ట్ పూర్తి స్థాయి నీటిమట్టం 885 అడుగులు కాగా ప్రస్తుతం 851.40 అడుగులు మేర నీరు ఉంది.
