అక్షరటుడే, వెబ్డెస్క్:Israel- Iran | ఇరాన్– ఇజ్రాయెల్ మధ్య ఉద్రిక్తతలు కొనసాగుతూనే ఉన్నాయి. ఇరాన్ అణుశక్తి గల దేశంగా అవతరిస్తే తమ ఉనికికే ముప్పు అని భావించిన ఇజ్రాయెల్ ఆపరేషన్ రైజింగ్ లయన్(Operation Rising Lion) పేరిట దాడులకు పాల్పడిన విషయం తెలిసిందే. అయితే ఇరాన్ కూడా ప్రతిదాడులు చేసింది. దీంతో రెండు దేశాల మధ్య దాడులు కొనసాగుతూనే ఉన్నాయి. ఈ క్రమంలో ఇరాన్ సుప్రీం లీడర్ అయతుల్లా అలీ ఖమేనీ(Ayatollah Ali Khamenei) సోమవారం బంకర్లో తలదాచుకున్నారు. తాజాగా ఆయనను మరింత సురక్షిత ప్రాంతానికి తరలించినట్లు తెలుస్తోంది.
Israel- Iran | తొలిరోజే ఖమేనీ నివాసం సమీపంలో దాడులు
ఇజ్రాయెల్ తొలిరోజు ఖమేనీ ఇంటి సమీపంలో దాడులకు పాల్పడింది. అంతేగాకుండా తాజాగా ఆయన తలదాచుకున్న బంకర్ వివరాలను కూడా మొసాద్ కనిపెట్టింది. దీంతో ఆయనను అధికారులు సురక్షిత ప్రాంతానికి తరలించినట్లు సమాచారం. ఈ సందర్భంగా ఎక్కడ సురక్షితం కాదు అని ఇజ్రాయెల్ ఆయనకు హెచ్చరికలు పంపినట్లు తెలుస్తోంది.
Israel- Iran | అలా చేస్తే యుద్ధం ముగుస్తుంది
ఇజ్రాయెల్ ప్రధాని నెతన్యాహు(Israeli PM Netanyahu) యుద్ధంపై కీలక వ్యాఖ్యలు చేశారు. ఇరాన్ సుప్రీం కమాండర్ ఖమేనీని హతమారిస్తే యుద్ధం ముగుస్తుందన్నారు. తాము యుద్ధాన్ని త్వరగా ముగించాలని కోరుకుంటున్నట్లు ఆయన తెలిపారు. ఖమేనీని హతమారిస్తే సంఘర్షణ పెరగదని, యుద్ధం త్వరగా ముగుస్తుందని పేర్కొన్నారు.
