అక్షరటుడే, వెబ్‌డెస్క్‌: Pre Market Analysis : ప్రధాన గ్లోబల్‌ మార్కెట్లు(Global markets) మిక్స్‌డ్‌గా ఉన్నాయి. యూఎస్‌, యూరోప్‌ మార్కెట్లు లాభాలతో ముగియగా ఉండగా.. ఉదయం 8 గంటల ప్రాంతంలో గిఫ్ట్‌ నిఫ్టీ(Gift nifty), షాంఘై, హంగ్‌సెంగ్‌ నష్టాలతో కనిపిస్తున్నాయి.

Pre Market Analysis : యూఎస్‌ మార్కెట్లు(US markets)..

చివరి ట్రేడింగ్‌ సెషన్‌లో అమెరికా మార్కెట్లు పాజిటివ్‌గా ముగిశాయి. నాస్‌డాక్‌(Nasdaq) 1.40 శాతం, ఎస్‌అండ్‌పీ 0.94 శాతం లాభపడ్డాయి. మంగళవారం ఉదయం డౌజోన్స్‌ ఫ్యూచర్స్‌ 0.45 శాతం నష్టంతో కదలాడుతోంది.

Pre Market Analysis : యూరోప్‌ మార్కెట్లు(European markets)..

యూరోప్‌ మార్కెట్లు లాభాలతో క్రితం రోజును ముగించాయి. డీఏఎక్స్‌(DAX) 0.77 శాతం, సీఏసీ 0.74 శాతం, ఎఫ్‌టీఎస్‌ఈ 0.28 శాతం పెరిగాయి.

Pre Market Analysis : ఆసియా మార్కెట్లు(Asian markets)..

ఆసియా మార్కెట్లు(Asian markets) సోమవారం ఉదయం మిశ్రమంగా స్పందిస్తున్నాయి. ఉదయం 8 గంటల సమయంలో తైవాన్‌ స్టాక్‌ ఎక్స్ఛేంజ్‌ 0.98 శాతం, కోస్పీ 0.55 శాతం, నిక్కీ(Nikkei) 0.50 శాతం, స్ట్రేయిట్స్‌ టైమ్స్‌ 0.33 శాతం లాభాలతో ఉండగా.. షాంఘై 0.07 శాతం, హంగ్‌సెంగ్‌ 0.14 శాతం నష్టంతో ట్రేడ్‌ అవుతున్నాయి. గిఫ్ట్‌ నిఫ్టీ 0.15 శాతం నష్టంతో కొనసాగుతోంది. ఈ నేపథ్యంలో మన మార్కెట్లు గ్యాప్‌ డౌన్‌లో ప్రారంభమయ్యే అవకాశాలున్నాయి.

Pre Market Analysis : గమనించాల్సిన అంశాలు..

• ఎఫ్‌ఐఐ(FII)లు నికరంగా రూ. 2,539 కోట్ల విలువైన స్టాక్స్‌ విక్రయించగా.. డీఐఐలు రూ. 5,780 కోట్ల విలువైన స్టాక్స్‌ కొనుగోలు చేశారు.
• నిఫ్టీ పుట్‌కాల్‌ రేషియో(PCR) 0.89 నుంచి 1.14 కు పెరిగింది. గతనెలరోజుల్లో ఇదే అత్యధిక పెరుగుదల. ఇది మార్కెట్‌లోని బుల్లిష్‌ సెంటిమెంట్‌ను ప్రతిబింబిస్తోంది.
• విక్స్‌(VIX) 1.61 శాతం తగ్గి 14.84 వద్ద ఉంది.
• క్రూడ్‌ ఆయిల్‌ ధర బ్యారెల్‌కు 0.30 శాతం పెరిగి 71.98 డాలర్ల వద్ద ఉంది.
• డాలర్‌తో రూపాయి మారకం విలువ 86.05 వద్ద ఉంది.
• యూఎస్‌ డాలర్‌ ఇండెక్స్‌ 0.19 శాతం పెరిగి 98.19 వద్ద ఉండగా.. యూఎస్‌ పదేళ్ల బాండ్‌ ఈల్డ్‌ 0.04 శాతం తగ్గి 4.43 వద్ద నిలిచింది.

ఇజ్రాయిల్‌, ఇరాన్‌ల మధ్య ఉద్రిక్తతలు కొనసాగుతున్నా.. ఇన్వెస్టర్లు(Investors) దీర్ఘకాలిక దృష్టితో వ్యవహరిస్తూ తక్కువ వాల్యూయేషన్‌తో ఉన్న క్వాలిటీ స్టాక్స్‌ కొనుగోలు చేయడానికి ఆసక్తి చూపుతున్నారు. ప్రధానంగా లార్జ్‌క్యాప్‌ స్టాక్స్‌పై దృష్టి సారించడంతో సోమవారం ప్రధాన సూచీలు పరుగులు తీశాయి. దీంతో మార్కెట్లలో బుల్లిష్‌ సెంటిమెంట్‌ కనిపిస్తోంది.

మరోవైపు ఇజ్రాయిల్‌, ఇరాన్‌ల మధ్య కాల్పుల విరమణకు అమెరికా అధ్యక్షుడు ట్రంప్‌(Trump) పిలుపునిచ్చిన నేపథ్యంలో ఉద్రిక్తతలు తగ్గుముఖం పట్టే అవకాశాలు కనిపిస్తున్నాయి. ఈ నేపథ్యంలో సోమవారం వాల్‌స్ట్రీట్‌ పాజిటివ్‌గా ముగిసింది. అమెరికాకు చెందిన ఫెడ్‌ మీటింగ్‌(Fed meeting) నేపథ్యంలో ఇన్వెస్టర్లు ఆచితూచి వ్యవహరించే అవకాశాలున్నాయి.