అక్షరటుడే, వెబ్డెస్క్ :Weather Updates | రాష్ట్రంలో భారీ వర్షాలు(Heavy Rains) కురిసే అవకాశం ఉందని వాతావరణ శాఖ(Meteorological Department) తెలిపింది. మంగళవారం అర్ధరాత్రి తర్వాత పలు జిల్లాల్లో వర్షం కురిసింది. బుధవారం సాయంత్రం నుంచి రాత్రి వరకు భారీ నుంచి అతి భారీ వర్షాలు పడే ఛాన్స్ ఉందని వాతావరణ శాఖ అధికారులు హెచ్చరించారు.
తెలంగాణ(Telangana)లోని సంగారెడ్డి, మెదక్, వికారాబాద్, కామారెడ్డి, నిజామాబాద్, నారాయణపేట్, మహబూబ్నగర్ వనపర్తి, గద్వాల్ జిల్లాలో భారీ వర్షాలు పడతాయని అధికారులు తెలిపారు. హైదరాబాద్(Hyderabad)లో ఈదురుగాలులతో కూడిన వాన పడొచ్చని పేర్కొన్నారు. ఉదయం నుంచి వాతావరణం మేఘావృతమై ఉంటుంది.
