అక్షరటుడే, వెబ్డెస్క్:Kedarnath | ఓ హెలికాప్టర్ (Helicopter landed on road) నడిరోడ్డుపై ల్యాండ్ అవడంతో ప్రజలు ఆందోళనకు గురయ్యారు. ఈ ఘటన ఉత్తరాఖండ్ (Uttarakhand) రాష్ట్రంలో చోటు చేసుకుంది.
కేదార్‌నాథ్ ధామ్‌కు వెళ్తున్న ఒక ప్రైవేట్ హెలికాప్టర్ సాంకేతిక లోపంతో రుద్రప్రయాగ జిల్లాలోని గుప్త్కాషిలో అత్యవసరంగా ల్యాండ్ అయింది. ల్యాండింగ్ సమయంలో హెలికాప్టర్ వెనుక భాగం అక్కడ నిలిపి ఉన్న ఓ కారు మీద పడింది. దీంతో కారు ధ్వంసం అయింది. హెలికాప్టర్‌లో ప్రయాణిస్తున్న వారు అందరూ సురక్షితంగా బయటపడ్డారు. పైలట్‌కు మాత్రం స్వల్ప గాయాలయ్యాయి.
క్రిస్టల్ ఏవియేషన్ ప్రైవేట్ లిమిటెడ్‌(Crystal Aviation Private Limited)కు చెందిన హెలికాప్టర్ సిర్సి నుండి ప్రయాణికులతో వెళ్తున్నప్పుడు హెలిప్యాడ్‌కు బదులుగా రోడ్డుపై ముందుజాగ్రత్తగా ల్యాండ్ అయిందని దాని సీఈవో తెలిపారు. ఈ ఘటనలో ఎలాంటి ప్రాణ నష్టం జరగలేదు.