అక్షరటుడే, వెబ్డెస్క్: Minor driving | సాధారంగా పౌరులు ట్రాఫిక్ నిబంధనలకు (traffic rules) విరుద్ధంగా వాహనాలు నడిపితే పోలీసులు (police) జరిమానా విధిస్తారు. అయినా మార్పు రాకపోతే కేసులు నమోదు చేస్తారు.
అయితే నిజామాబాద్ నగరంలో శుక్రవారం జరిగిన ఓ ఘటన చర్చనీయాంశంగా మారింది. ప్రజలు నిబంధనలు పాటించేలా చూడాల్సిన పోలీస్ కానిస్టేబుల్.. ప్రభుత్వం తనకు కేటాయించిన వాహనాన్ని తన కొడుకుకు ఇచ్చాడు. తీరా అతడు మైనర్ కావడం, పోలీసులకు చిక్కడం చర్చకు దారితీసింది.
కమిషనరేట్ లో పనిచేస్తున్న కానిస్టేబుల్ ఫసీ (Police constable Fasi) ఏకంగా తన మైనర్ కొడుకుకు డిపార్ట్మెంట్కు చెందిన బైకు ఇచ్చాడు. నగరంలోని రైల్వే స్టేషన్ రోడ్డులో (ailway station road) పోలీసులు తనిఖీలు చేపట్టగా.. సదరు బాలుడు పోలీస్ బైకును (police bike) నడుపుతూ పట్టుబడ్డాడు. దీంతో పోలీసులు కేసు నమోదు చేసి బైకును సీజ్ చేసి స్టేషన్కు తరలించారు. అయితే ఈ ఘటనపై ఉన్నతాధికారులు ఎలాంటి చర్యలు తీసుకుంటారో వేచిచూడాలి.
Minor driving | సీపీ సీరియస్గా ఉన్నా..
మైనర్ డ్రైవింగ్ విషయంలో సీపీ సాయిచైతన్య (CP Sai Chaitanya) సీరియస్గా ఉన్నారు. ఆయన ఆదేశాల మేరకు పోలీసులు నిత్యం విస్తృతంగా వాహనాల తనిఖీలు చేపడుతున్నారు. మైనర్ డ్రైవింగ్ వాహనాలను (Minor driving vehicles) సీజ్ చేస్తున్నారు. అంతేకాకుండా మైనర్లను పట్టుకుని వారితో వినూత్న ప్రచారం చేయిస్తున్నారు. నిబంధనలు పాటించాలని.. పట్టుబడిన వారితోనే ప్రజల్లో అవగాహన కల్పిస్తున్నారు. ఇలా మైనర్ డ్రైవింగ్ విషయంలో పోలీసు శాఖ సీరియస్గా వ్యవహరిస్తున్నా.. కానిస్టేబులే తన మైనర్ కొడుకుకు టూ వీలర్ ఇవ్వడం.. ఆది డిపార్ట్మెంట్కు సంబంధించిన బైకు కావడం చర్చనీయాంశంగా మారింది.
