అక్షరటుడే, ఇందూరు : Registration | సబ్​ రిజిస్ట్రార్​ ఆఫీసుల్లో రిజిస్ట్రేషన్​ ప్రక్రియ (registration process) అంటే రోజంతా పడిగాపులు కాయాల్సిన పరిస్థితి ఉండేది. ఒక్కో రోజు అధికంగా డాక్యుమెంట్​ రిజిస్ట్రేషన్లు ఉండడంతో ప్రజలు ఇబ్బందులు పడేవారు. అంతేగాకుండా పలువురు అధికారులు దళారులను కలవకుండా నేరుగా వెళ్లిన ప్రజల డాక్యుమెంట్లను రిజిస్టర్​ చేసేవారు కాదు. ఈ క్రమంలో పారదర్శకతతో పాటు వేగంగా రిజిస్ట్రేషన్లు చేయడానికి ప్రభుత్వం (government) చర్యలు చేపట్టింది.

ప్రభుత్వం రాష్ట్రవ్యాప్తంగా సబ్​ రిజిస్ట్రార్​ కార్యాలయాల్లో (Sub-registrar office) స్లాట్​ బుకింగ్​ విధానాన్ని జూన్​ 2 నుంచి అమలులోకి తీసుకు వచ్చింది. దీంతో ప్రజలకు రిజిస్ట్రేషన్​ కోసం పడిగాపులు కాయాల్సిన బాధలు తప్పనున్నాయి. నూతనంగా ప్రవేశ పెట్టిన విధానంలో అరగంటలో రిజిస్ట్రేషన్​ ప్రక్రియ (registration process) పూర్తవుతోంది. డాక్యుమెంట్లు రిజిస్టర్​ చేసుకోవాల్సిన వారు కూడా స్లాట్​ బుక్​ చేసుకున్న సమయానికి వస్తే సరిపోతుంది. దీంతో కార్యాలయంలో రద్దీ తగ్గడంటో పాటు ప్రజలకు సమయం ఆదా అవుతుంది.

Registration | అక్కడ విజయవంతం కావడంతో..

స్లాట్​ బుకింగ్​ విధానాన్ని (slot booking system) మొదట ప్రయోగాత్మకంగా 22 సబ్ రిజిస్ట్రార్​ కార్యాలయాల్లో అమలు చేశారు. అందులో జిల్లాలోని ఆర్మూర్​ కూడా ఉంది. అక్కడ ఈ ప్రక్రియ విజయవంతం కావడంతో తెలంగాణ ఆవిర్భావ దినోత్సవం (Telangana Formation Day) సందర్భంగా సోమవారం నుంచి రాష్ట్రవ్యాప్తంగా అమలు చేస్తూ ప్రభుత్వం నిర్ణయం తీసుకుంది.

Registration | ఉమ్మడి జిల్లాలో పది కార్యాయాలు

ఉమ్మడి నిజామాబాద్​ జిల్లాలో (joint Nizamabad district) మొత్తం 10 రిజిస్ట్రేషన్ కార్యాలయాలు ఉన్నాయి. కొత్తగా తీసుకొచ్చిన స్లాట్​ బుకింగ్​ విధానం ((slot booking system) ప్రకారం.. ఆఫీస్​ పని వేళలను 48 స్లాట్​లుగా విభజించారు. ముందుగా స్లాట్​ బుక్​ చేసుకున్న వారికి మాత్రమే ఆయా రోజుల్లో రిజిస్ట్రేషన్​ చేయనున్నారు. వారు ఏ సమయానికైతే నమోదు చేసుకుంటారో అప్పుడే వస్తే సరిపోతుంది. దీంతో రిజిస్ట్రేషన్​ ప్రక్రియ వేగవంతంగా కావడంతో పాటు పారదర్శకంగా ఉంటుందని ప్రభుత్వం భావిస్తోంది.

Registration | అరగంటలో పూర్తి

• మురళీధర్, నిజామాబాద్
  మేము మా ఫ్లాట్ రిజిస్ట్రేషన్ కోసం కార్యాలయానికి వచ్చాం. గతంలో ఒక రోజంతా ఇక్కడే ఉండేవాళ్లం. ప్రస్తుతం ప్రభుత్వం ప్రవేశపెట్టిన స్లాట్ విధానం బాగుంది. ఈ రోజు కేవలం అరగంటలో మా పని పూర్తి చేసుకుని వెళ్తున్నాం.

Registration | స్లాట్ సమయానికి వస్తే సరిపోతుంది

• రవికాంత్, సబ్ రిజిస్ట్రార్
  ప్రభుత్వం ప్రవేశపెట్టిన స్లాట్ విధానాన్ని ప్రారంభించాం. రిజిస్ట్రేషన్ కోసం వచ్చేవారు తాము నమోదు చేసుకున్న సమయానికి వస్తే సరిపోతుంది. వేచి ఉండే పని లేదు. ప్రజలు అవకాశాన్ని సద్వినియోగం చేసుకోవాలి.