అక్షరటుడే, వెబ్​డెస్క్ : Srikalahasti | ఆలయాల్లోకి ప్రముఖులు వచ్చినప్పుడు కొందరు ఉద్యోగులు, అర్చకులు ప్రత్యేకంగా రిసీవ్​ చేసుకుంటారు. కొందరైతే ఆలయ నిబంధనలు పాటించకుండా కూడా ప్రముఖుల కోసం ప్రత్యేక పూజలు చేస్తుంటారు.

ప్రత్యేకించి గర్భ గుడిలోకి ప్రవేశం కల్పించడం, ప్రత్యేక పూజలు, ఆలయాల్లో కెమెరా అనుమతించడం లాంటివి చేస్తుంటారు. తాజాగా ఓ హీరో కోసం ప్రత్యేక పూజలు చేసిన అర్చకుడిపై అధికారులు వేటు వేశారు.

ప్రముఖ పుణ్యక్షేత్రం శ్రీకాళహస్తి (Srikalahasti )లోని రాఘవేంద్ర స్వామి మఠంలో ఈ నెల 29న సినీ నటుడు శ్రీకాంత్ కుటుంబం (Srikanth Family) నవగ్రహ శాంతి పూజలు చేయించుకుంది. అయితే శ్రీకాంత్ ఫ్యామిలీకి శ్రీకాళహస్తి దేవస్థానం అర్చకుడు ప్రత్యేకంగా ప్రైవేటుగా పూజలు చేయించాడు. ఈ వీడియో సోషల్ మీడియాలో వీడియో వైరల్ అయింది. దీంతో విచారణ జరిపి, ఎండోమెంట్ యాక్ట్ ప్రకారం అర్చకుడిని సస్పెండ్​ చేస్తున్నట్లు ఈవో ప్రకటించారు.