అక్షరటుడే, వెబ్డెస్క్ : Anganwadi | అంగన్వాడీ ఉద్యోగుల(Anganwadi Employees)కు రాష్ట్ర ప్రభుత్వం గుడ్న్యూస్ చెప్పింది. తెలంగాణ ఆవిర్భావ సందర్భంగా కీలక నిర్ణయం తీసుకుంది.
వారికి ఉద్యోగ విరమణ బెనిఫిట్స్ (Retirement Benifits) పెంచడానికి ప్రభుత్వం ఒకే చెప్పింది. గతంలో అంగన్వాడీ టీచర్లు, హెల్పర్లకు ఉద్యోగ విమరణ ఉండేది కాదు. చాలా మంది జీవిత కాలం పని చేసేవారు. అయితే ఏడాది క్రితం ప్రభుత్వం అంగన్వాడీ టీచర్లు, ఆయాలకు ఉద్యోగ విమరణ వర్తింపజేస్తూ నిర్ణయం తీసుకుంది.
కాగా.. రిటైర్మెంట్ వయసును 65 ఏళ్లుగా పేర్కొంది. ఉద్యోగ విరమణ బెనిఫిట్స్ కింద అంగన్వాడీ టీచర్లకు రూ.లక్ష, ఆయాలకు రూ.50 వేల చొప్పున ఇస్తామని ప్రకటించింది. అయితే ఈ మొత్తాన్ని పెంచాలని అంగన్వాడీ ఉద్యోగులు కొంతకాలంగా డిమాండ్ చేస్తున్నారు.
Anganwadi | రూ.2 లక్షలకు పెంచిన ప్రభుత్వం
అంగన్వాడీ ఉద్యోగుల డిమాండ్ మేరకు ప్రభుత్వం తాజాగా రిటైర్మెంట్ బెనిఫిట్స్ పెంచుతూ నిర్ణయం తీసుకుంది. అంగన్వాడీ టీచర్లకు(Anganwadi Teachers) రూ.రెండు లక్షలు, ఆయాలకు (Anganwadi Helpres) రూ.లక్ష చొప్పున ఇక నుంచి ఇస్తామని తెలిపింది. ఈ మేరకు ఆర్థిక శాఖ ఆమోదం తెలిపింది. త్వరలో అధికారిక ప్రకటన వెలువడే అవకాశం ఉంది. జూన్ 2న రాష్ట్ర ఆవిర్భావ దినోత్సవం సందర్భంగా సీఎం రేవంత్రెడ్డి ఈ మేరకు ప్రకటన విడుదల చేసే అవకాశం ఉంది.
కాగా ఇటీవల రాష్ట్ర ప్రభుత్వం మినీ అంగన్వాడీ టీచర్లను అప్గ్రేడ్ చేసిన విషయం తెలిసిందే. రాష్ట్రంలో 3,989 టీచర్లు ఉండేవారు. వీరికి రూ.7,800 వేతనం వచ్చేది. అయితే వీరిని అంగన్వాడీ టీచర్లుగానే పరిగణించాలని ప్రభుత్వం నిర్ణయించింది. ఇక నుంచి రాష్ట్రంలో మినీ అంగన్వాడీలు ఉండవని తెలిపింది. దీంతో వారికి రూ.13,560 వేతనం అందనుంది.
