అక్షరటుడే, వెబ్డెస్క్ : Zoo Park | వేసవి సెలవులు(Summer Holidays) వచ్చాయంటే పిల్లలకు హాయిగా గడుపుదాం అనుకుంటారు.. తల్లిదండ్రులు కూడా పిల్లలతో సరదాగా బయటకు వెళ్లడానికి ప్లాన్ చేసుకుంటారు.
అయితే ఎండలకు భయపడి చాలా మంది టూర్లను క్యాన్సిల్ చేసుకుంటారు. కాగా.. ఈ ఏడాది మే నెలలో ఎండల తీవ్రత అంతగా లేకపోవడంతో చిన్నారులతో తల్లిదండ్రులు సమ్మర్ హాలీడేస్ ఎంజాయ్ చేస్తున్నారు. వివిధ ప్రాంతాలకు వెళ్లి ఆనందంగా గడుపుతున్నారు.
వేసవి సెలవులకు తోడు ఆదివారం కావడంతో హైదరాబాద్ (Hyderabad)లోని నెహ్రూ జూ పార్క్ (Nehru Zoo Park hyderabad)కు సందర్శకులు భారీగా తరలి వచ్చారు. వాతావరణం చల్లగా ఉండటంతో పిల్లలను తీసుకొని తల్లిదండ్రులు జంతు ప్రదర్శన శాలకు వచ్చారు. అత్యధిక సంఖ్యలో సందర్శకులు రావడంతో జూ పార్క్లో ప్రత్యేక ఏర్పాట్లు చేశారు. చిన్నారులు పార్కులోని జంతువులను చూసి సరదాగా గడిపారు. అంతేగాకుండా నగరంలోని లుంబిని పార్క్ lumbini park, ఎన్టీఆర్ పార్క్ ntr park, నెక్లెస్ రోడ్డు nekles road ప్రాంతాల్లో సందర్శకుల రద్దీ అధికంగా ఉంది.
