అక్షరటుడే, వెబ్డెస్క్ : Brahmos | భారత శక్తి ఏమిటో ప్రపంచానికి చాటి చెప్పామని రక్షణమంత్రి రాజ్నాథ్ సింగ్ తెలిపారు. ఆపరేషన్ సిందూర్ ద్వారా ఉగ్రవాదులకు గట్టి బుద్ధి చెప్పామని పేర్కొన్నారు. ఆపరేషన్ సిందూర్ ప్రజలను ఎక్కడా టార్గెట్ చేయలేదని చెప్పారు. కేవలం పాక్ సరిహద్దే కాదు.. రావల్పిండిపైనా దాడి చేశామని పేర్కొన్నారు. బ్రహ్మోస్ క్షిపణి ద్వారా శత్రువుకు మన శక్తి ఏమిటో చూపించామని తెలిపారు. ఉత్తరప్రదేశ్లోని లక్నోలో బ్రహ్మోస్ క్షిపణి brahmos missile తయారీ యూనిట్ను రక్షణశాఖ మంత్రి రాజ్నాథ్సింగ్ rajnath singh ఆదివారం ప్రారంభించారు. ఢిల్లీ నుంచి ఆయన వర్చువల్గా యూనిట్ను ప్రారంభించారు. ఈ సందర్భంగా మాట్లాడుతూ.. ప్రస్తుత ఉద్రిక్తతల నేపథ్యంలో లక్నో రాలేకపోయానని చెప్పారు. బ్రహ్మోస్ ఇంటిగ్రేషన్, టెస్టింగ్ ఫెసిలిటీ సెంటర్ ఏర్పాటుకు సహకరించిన యూపీ ప్రభుత్వాన్ని ఆయన అభినందించారు. 40 నెలల్లోనే ఈ యూనిట్ పూర్తి చేశారని కొనియాడారు. ఇదే రోజున మన శాస్త్రవేత్తలు అణుపరీక్షలు చేశారని మంత్రి గుర్తు చేశారు. యూపీ డిఫెన్స్ కారిడార్కు ఇది దోహదం చేస్తోందన్నారు. సూపర్ సోనిక్ క్రూయిజ్ మిసైల్స్ ఉత్పత్తితో భారత రక్షణ వ్యవస్థ defence system మరింత పటిష్టం అవుతుందన్నారు.
Brahmos | బ్రహ్మోస్ గురించి పాక్ను అడగండి
లక్నోలో రూ. 300 కోట్ల ఖర్చుతో బ్రహ్మోస్ ప్రొడక్షన్‌ యూనిట్ ఏర్పాటు చేశారు. దీని కోసం 80 హెక్టార్ల స్థలాన్ని ఉచితంగా కేటాయించారు. ఈ కార్యక్రమంలో ఉత్తరప్రదేశ్ ముఖ్యమంత్రి యోగి ఆదిత్యనాథ్ UP CM Yogi మాట్లాడుతూ.. బ్రహ్మోస్ క్షిపణి పనితీరు ఎలా ఉంటుందో పాకిస్తాన్‌ను అడగండి అన్నారు. ఉగ్రదాడి ఏదైనా యుద్ధంగానే పరిగణించాలన్నారు. కాగా బ్రహ్మోస్ను ఇంతవరకు యుద్ధ క్షేత్రంలో వినియోగించలేదు. అయితే ఆపరేషన్ సిందూర్లో భాగంగా బ్రహ్మోస్ మిసైల్ వాడినట్లు యోగి చెప్పడం గమనార్హం. దాని ప్రభావం ఎలా ఉందో పాక్ను అడగాలని ఆయన అన్నారు. దీనిని బట్టి భారత్ బ్రహ్మోస్తో పాక్పై దాడులు చేసినట్లు తెలుస్తోంది. అత్యంతవేగంగా వెళ్లే బ్రహ్మోస్ క్షిపణిని యుద్ధ క్షేత్రంలో భారత్ విజయవంతంగా వినియోగించినట్లు తెలుస్తోంది.
Brahmos | బ్రహ్మోస్ ప్రత్యేకతలు..
బ్రహ్మోస్ అత్యంత వేగంగా వెళ్లగలిగే సూపర్సోనిక్ మిసైల్. దీనిని భారత్, రష్యా సంయుక్తంగా అభివృద్ధి చేశాయి. నేలపై నుంచి, సముద్రంపై నుంచి, సముద్రం లోపల నుండి (జలాంతర్గాముల నుంచి), ఆకాశం నుంచి ఈ క్షిపణిని ప్రయోగించవచ్చు. ఇది 200 నుంచి 300 కిలోల వార్హెడ్ను మోసుకెళ్లగలదు. అత్యంతవేగంతో వెళ్లడంతో పాటు శత్రురాడార్ల కళ్లు గప్పి లక్ష్యాలను ఛేదించడం దీని ప్రత్యేకత.