అక్షరటుడే, వెబ్డెస్క్ : Japan Earthquake | జపాన్ (Japan)లో భూకంపం వచ్చింది. రిక్టర్ స్కేల్పై 7.6 తీవ్రతతో సోమవారం సాయంత్రం భూమి కంపించింది. దీంతో జపాన్ ఈశాన్య తీరంలో మూడు మీటర్ల ఎత్తుతో సునామీ వచ్చే అవకాశం ఉన్నట్లు ఆదేశ వాతావరణ సంస్థ పేర్కొంది.
జపాన్లో 7.6 తీవ్రతతో భూకంపం సంభవించింది, దీనితో సునామీ (Tsunami) హెచ్చరిక వెలువడిందని యునైటెడ్ స్టేట్స్ జియోలాజికల్ సర్వే తెలిపింది. భూకంపం తర్వాత జపాన్ ఈశాన్య తీరాన్ని మూడు మీటర్లు (10 అడుగులు) ఎత్తులో సునామీ తాకవచ్చని పేర్కొంది. జపాన్లో భారీ భూకంపం తర్వాత 40-సెంటీమీటర్ల (16-అంగుళాల) సునామీ నమోదైందని AFP నివేదించింది. 53.1 కి.మీ లోతులో భూకంప కేంద్రం ఉన్నట్లు గుర్తించారు. ఉత్తర జపాన్లోని మిసావా నగరానికి తూర్పు-ఈశాన్యంగా 73 కిలోమీటర్ల దూరంలో భూకంప కేంద్రం ఉంది. ఇది అమోరి, హక్కైడో తీరంలో తాకిందని, దీని ఫలితంగా ఈ ప్రాంతానికి సునామీ హెచ్చరిక జారీ చేసినట్లు జపాన్ వాతావరణ సంస్థ తెలిపింది.
