అక్షరటుడే, వెబ్‌డెస్క్‌: POCSO court : నల్గొండ Nalgonda పొక్సో కోర్టు సంచలన తీర్పునిచ్చింది. బాలికను అత్యాచారం చేసిన కేసులో సదరు నిందితుడు మహ్మద్ ఖయ్యూమ్​కు కనీవినీ ఎరుగని శిక్ష విధించింది.

నిందితుడికి ఏకంగా 51 ఏళ్ల జైలు విధించింది. అంతటితో ఆగకుండా రూ. 85 వేల జరిమానా కూడా వేసింది. దీనికితోడు బాధితురాలికి రూ. 7 లక్షల పరిహారం చెల్లించాలని సర్కారును ఆదేశించింది.

నిందితుడిపై పొక్సోతోపాటు ఎస్సీ, ఎస్టీ అట్రాసిటీ చట్టం(SC and ST Atrocities Act), బెదిరింపులు వంటి చట్టాల కింద న్యాయమూర్తి ఇన్​ఛార్జి జడ్జి రోజా రమణి శిక్షను ఖరారు చేశారు.

POCSO court : కేసు వివరాల ఇలా ఉన్నాయి..

2021లో బాధిత బాలిక పాఠశాల అయిపోయాక తోటి విద్యార్థులతో కలిసి ఇంటికి బయలుదేరింది. కాగా, నిందితుడు మహ్మద్ ఖయ్యూమ్ బాధిత బాలికపై కన్నేశాడు. తన బండిపై మైనర్​ను బలవంతంగా ఎక్కించుకున్నాడు. నిర్మానుశ్య ప్రాంతానికి తీసుకెళ్లి రేప్​ చేశాడు.

ఆ తర్వాత బాలికను బెదిరించాడు. జరిగిన విషయం ఎవరికైనా చెబితే చంపేస్తానని బెదిరించాడు. ఇంటికి చేరుకున్నాక బాలిక భయపడుతూనే తన పేరెంట్స్ కు తెలిపింది. దీంతో కుటుంబీకులు తిప్పర్తి పోలీసులను ఆశ్రయించారు.

బాధిత కుటుంబ సభ్యుల ఫిర్యాదు మేరకు నిందితుడు మహ్మద్ ఖయ్యూమ్​పై పోలీసులు అత్యాచారం కేసు నమోదు చేశారు. వాదోపవాదాలు విన్నాక నిందితుడికి శిక్షను ఖరారు చేస్తూ న్యాయమూర్తి తాజాగా తీర్పు వెలువర్చారు.

POCSO court : ఏ సెక్షన్​ల కింద..

పొక్సో యాక్ట్​ POCSO Act సెక్షన్​-6 కింద 20 సంవత్సరాలు, సెక్షన్​-366(కిడ్నాప్​) కింద పదేళ్లు.. ఎస్సీ, ఎస్టీ అట్రాసిటీ యాక్ట్​ కింద ఇరవై ఏళ్లు, బాలికను బెదిరించినందుకు సెక్షన్​-506 కింద ఏడాది.. మొత్తం 51 ఏళ్ల శిక్షను న్యాయమూర్తి ఖరారు చేశారు. దీంతోపాటు జరిమానా కూడా వేశారు.