అక్షరటుడే, భీమ్గల్ : BC Reservation | స్థానిక సంస్థల ఎన్నికల్లో (local body elections) బీసీలకు 42 శాతం రిజర్వేషన్లు కేటాయించేందుకు రాష్ట్ర కేబినెట్ ఆమోదం తెలపడం చారిత్రాత్మక నిర్ణయమని కాంగ్రెస్ బాల్కొండ మండలాధ్యక్షుడు గున్నాల వెంకటేష్ గౌడ్ (Gunnala Venkatesh Goud) పేర్కొన్నారు.
స్థానిక పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. పంచాయతీ రాజ్ చట్టం 2018 సవరణ చేసి త్వరలోనే ఆర్డినెన్స్ జారీ చేయాలని నిర్ణయించడం హర్షణీయమన్నారు. కాంగ్రెస్ పార్టీ (Congress party) రాష్ట్ర ప్రజలకు ఇచ్చిన మాట ప్రకారం చరిత్రలో సువర్ణాక్షరాలతో లిఖించే విధంగా తీసుకున్న నిర్ణయం గర్వించదగదన్నారు. ఈ సందర్భంగా కాంగ్రెస్ అగ్రనేత రాహుల్ గాంధీ, సీఎం రేవంత్ రెడ్డి, టీపీసీ అధ్యక్షుడు బొమ్మ మహేశ్ కుమార్ గౌడ్కు కృతజ్ఞతలు తెలిపారు. సమావేశంలో కాంగ్రెస్ నాయకులు తదితరులు పాల్గొన్నారు.
