అక్షరటుడే, ఇందూరు: 35th division BRS candidate | నగరంలోని 35వ డివిజన్ (35th Division) కార్పొరేటర్ అభ్యర్థిగా తనను గెలిపించాలని.. ఎల్లవేళలా అందుబాటులో ఉంటానని బీఆర్ఎస్ కార్పొరేటర్ అభ్యర్థి తాటికొండ నరేష్ అన్నారు. ఈ మేరకు డివిజన్ లోని పలు ప్రాంతాల్లో ఆదివారం ప్రచారం నిర్వహించారు.
35th division BRS candidate | ప్రజల మనిషిని.. అండగా ఉంటా..
తానెప్పుడూ ప్రజల మనిషినేనని ఎల్లవేళలా వారికి అండగా ఉంటానని తాటికొండ నరేష్ తెలిపారు. ఈ సందర్భంగా కాలనీలో ప్రతి ఇంటికి వెళ్లి ఓట్లు అభ్యర్థించారు. తనకు డివిజన్పై పూర్తి పట్టు ఉందని.. స్థానికుడిగా ప్రతి సమస్యపై అవగాహన ఉందన్నారు. ఒక్కసారి తనకు అవకాశమిస్తే ఐదేళ్లు ప్రజాసేవ చేస్తానని ఆయన హామీ ఇచ్చారు.
బీఆర్ఎస్ హయాంలోనే అభివృద్ధి..
బీఆర్ఎస్ హయాంలో నగరంలో (Nizamabad City) చెప్పుకోదగ్గ అభివృద్ధి జరిగిందని నరేష్ ఓటర్లకు వివరించారు. మాజీ మంత్రి, ఎమ్మెల్యే కేటీఆర్ (Former Minister MLA KTR), మాజీ ఎమ్మెల్యే బిగాల గణేష్ గుప్తా (Former MLA Bigala Ganesh Gupta) ఆధ్వర్యంలో నగరంలో పలు కార్యక్రమాలు జరిగాయన్నారు. ప్రస్తుతం డివిజన్కు రావాల్సిన నిధులను పక్కాగా తీసుకువచ్చి ప్రజలకు కావాల్సిన మౌలిక సదుపాయాలను కల్పిస్తానని ఆయన చెప్పారు. కార్యక్రమంలో పలువురు బీఆర్ఎస్ కార్యకర్తలు పాల్గొన్నారు.
