అక్షరటుడే, గాంధారి: Ration Rice | ఉచిత రేషన్ బియ్యాన్ని అక్రమంగా తరలిస్తుండగా పోలీసులు చాకచక్యంగా పట్టుకున్నారు. ఎస్సై ఆంజనేయులు (SI Anjaneyulu) తెలిపిన వివరాల ప్రకారం.. గాంధారి(Gandhari) మండలంలోని గౌరారం (Gouraram) గ్రామం నుంచి రేషన్ బియ్యాన్ని తరలిస్తున్నారనే పక్కా సమాచారంతో దాడులు చేశారు. బొలెరో వాహనంలో రవాణాకు సిద్ధంగా ఉన్న 32 క్వింటాళ్ల బియ్యాన్ని పట్టుకున్నారు.
ఈ సందర్భంగా ఎస్సై మాట్లాడుతూ కోటగిరి గ్రామానికి చెందిన బొలెరో వాహనం నడుపుతున్న మహమ్మద్ ఉమర్ను అదుపులోకి తీసుకున్నామన్నారు. ఇక్కడ రేషన్బియ్యాన్ని కొని.. ఇతర రాష్ట్రాలకు తరలించే వ్యాపారం చేస్తున్న తాడ్కోల్ గ్రామానికి చెందిన అందె మనోహర్ను సైతం అదుపులోకి తీసుకున్నామన్నారు. అనంతరం రేషన్ బియ్యంను సివిల్ సప్లయ్ అధికారులకు(Civil Supply department) అప్పగిస్తామని వివరించారు.
