అక్షరటుడే, నిజామాబాద్ సిటీ: Nizamabad City | వరల్డ్ హార్ట్ డే (World Heart Day) సందర్భంగా నగరంలోని మెడికవర్ ఆస్పత్రి ఆధ్వర్యంలో 2కే వాక్ నిర్వహించనున్నారు.
ఈ మేరకు శనివారం ఆస్పత్రి వైద్యులు సదానంద రెడ్డి, సందీప్ రావు, రవికిరణ్, జగదీష్ చంద్రబోస్, వరిస్ అలీ వివరాలు వెల్లడించారు. నగరంలో 2కే వాక్ను రుక్మిణి ఛాంబర్స్ వినాయక్ నగర్ నుండి ఎన్టీఆర్ చౌరస్తా వరకు నిర్వహిస్తున్నట్లు పేర్కొన్నారు. కార్యక్రమానికి ముఖ్యఅతిథిగా అదనపు డీసీపీ బస్వారెడ్డి హాజరుకానున్నట్లు వివరించారు.
Nizamabad City | గండె జబ్బులు క్రమంగా పెరుగుతున్నాయ్..
నేటి సమాజంలో గుండె జబ్బులు క్రమక్రమంగా పెరుగుతున్నాయని మెడికవర్ ఆస్పత్రి (Medicover Hospital) వైద్యులు పేర్కొన్నారు. క్రమం తప్పకుండా వ్యాయామం, సమతుల ఆహారం, ఆరోగ్య పరీక్షల ద్వారా గుండెను ఆరోగ్యంగా ఉంచుకోవచ్చని సూచించారు. ప్రజల్లో గుండె సంబంధిత వ్యాధులపై అవగాహన పెంచడం కోసమే ఈ కార్యక్రమం నిర్వహిస్తున్నట్లు పేర్కొన్నారు. మెడికవర్ ఆస్పత్రి తరపున ప్రజలందరు ఈ 2కే వాక్లో పాల్గొని ఆరోగ్యకరమైన జీవనాన్ని అలవర్చుకోవాలని సూచించారు.
Nizamabad City | రూ.999కే కార్డియాలజీ ప్యాక్..
మెడికవర్ ఆస్పత్రి ఆధ్వర్యంలో సాధారణంగా రూ.5,000 విలువైన కార్డియాలజీ ప్యాకేజీని కేవలం రూ.999కే అందిస్తున్నట్లు వారు పేర్కొన్నారు. ప్రతిఒక్కరూ ఈ ప్యాకేజీని తప్పక వినియోగించుకోవాలని ఆస్పత్రి యాజమాన్యం విజ్ఞప్తి చేశారు.
